Sa/So 2./3. Juli Mountainbiketour + Wanderung Hintere Tormäuer nach Gösing
Bericht von Werner Brandstetter
Mit vü Elan und voller Freid, haum mir uns mit aundre Leid, am Saumstog auf de Radln g‘sitzt und gaunz am Aunfaung goa ned g‘schwitzt. De Urmannsau is so schän kühl, woa späda daunn a seltens G‘fühl, auf der gaunzn hoaßn Runde wo aunstrengend woa jede Stunde. Vü bergoh, nu mehr bergauf, dazwischen a alpiner Lauf, in d‘Tormäuer vo Erlaufbodn mit vollem Gas in Ingrids Schottn. Hintnoch noch Gösing üwa Reith, mei, wos haum mia uns daunn g‘freit, denn im Hotel haumms Gott sei Daunk, uns versorgt mit Speis und Traunk. Da zweite Tog woa daunn a Traum, weil ma laut Naz des Gräbane scho haum. A poa moi g‘schupft leicht auf und o, daunn woa ma beim Reschinsky scho. Noch an guadn Eiskaffee, duan de Fiaß goa nimma weh. A letzte Etappe am Sottl g‘sessn, in d‘Durlmüh‘ zum Obschlussessn. De Tour woa aunstrengend und klass, vielleicht moch ma uns nächsts Joahr den Spaß und haun uns wieda auf de Stroßn, fia heia schän Daunk fias Mitfoahnlossn.
Teilnehmer:
Ingrid und Christian Hürner, Monika und Werner Brandstetter, Hermi und Hubert Haselsteiner, Petra Speiser-Weber, Lisi Grasberger, Sepp Spreitzer, August Scheinhart
